أحدث الأخبار

تأمّلات…/ سيمون عيلوطي

+ = -

سيمون عيلوطي thumbnail_%d8%b3%d9%8a%d9%85%d9%88%d9%86%20%d8%b9%d9%8a%d9%84%d9%88%d8%b7%d9%8a

عَتْمِه..!!
ما في حدا مرتاح…
بْهَالعَجْقه وِالزّحمِه
لا طير هَالصّباح..
وْلا وَطْوَط العتمِه..،
شُبّاكي هَالفوّاح
مستنّي شي نسمِه
تْهَفْهِف على التّفاح..
وَالوَرْد بِشي نًغْمِه..،
هَالحُب وينو راح..؟؟!
قولوا وَلَوْ كلمِه..!!

******
حُزُن…
الليل والأحلام والحُب العتيق
وسْنين تُمرُق بالعُمُر
فوق الطّريق،..
ضاعت أماني
وْفارقت قلبي وُعود
تْحسّر زماني…
وْما صفالي بالهّاوجود
غير الأسى وْخيبات
ما إلها حُدود..،..،
صامِد أنا…
بستنّى بسمِه يا بريق!!

******
بَلْكي…!
نْجوم تهوي بْالهَمسا
واقْمار تاهَت عَ الدّروب
وَيْلات لَفّعْها الأسى
بِغْيوم أسود مِ الحُروب،..،
موجات تِهْلِك هَالأرِض
غَطّتْنا من طول وْعَرِض
وِنْعيش بين علّ وْعسى…
بَلْكي بْسمانا هَالفرَح
بكره يِجوب!!

******
خيبة أمل
يوم فَلّ الطّير مِ مْواج البرِد
من بْلادنا…
وِصْفرّت زْرار الوّرِد..،..
والبَدِر غَطّت وِجّو
كْوام الضّباب،..،
صُرْنا مثِل أشباح
شَرْدَت بِالمدى
ما عاد حَدّ بْهَالعَتِم
يعرف حَدا…
ضاع الأمل عَ الدّرْب
وِتْلاشى الوَعِد!!
————————-
سيمون عيلوطي- الناصره
6/12/ 2016

 

Hits: 18

الوسم


أترك تعليق
اعلان
صدرحديثاً
صدر مؤخراً
+5
°
C
H: +
L: +
هيلسينجبورج
الأحد, 17 شباط
أنظر إلى التنبؤ لسبعة أيام
الاثنين الثلاثاء الأربعاء الخميس الجمعة السبت
+ + + + + +
+ + + -3° -3° -3°